МЗТ Скопје мисли на иднината - го врза најмладиот играч на уште три години

18 јули 2024 - 17:19

Поранешниот македонски младински репрезентативец Марин Петков го продолжи договорот со МЗТ Скопје на уште две сезони и заедно со годината што ја имаше од претходниот, ќе остане во клубот од Аеродром до 2027 година.

Петков игра на плејмејкерската позиција и со 21 година е најмлад во составот на Васко Атанасов. Неговото продолжување на договорот е влог во иднината и тоа откако младиот кошаркар се покажа добро во својата прва сезона во клубот.

Тој дојде лани од Феникс и одигра 30 натпревари во домашното првенство и 13 во АБА 2 лигата.