Куманово по „цела вечност“ го нокаутира Феникс

16 ноември 2024 - 20:54

Кошаркарите на Куманово вечерва беа подобри од Феникс со 73-66 за трета победа во Првата лига, но мечот во втората четвртина беше прекинат поради навивачите.

По првата четвртина, која му припадна на Феникс со 24-20, во вторите 10 минути следеше долг прекин затоа што навивачите со пиротехника кренаа чад поради кој немаше услови да се игра кошарка.

Кошаркарите по долга пауза се вратија на теренот, а Куманово до полувреме направи целосен пресврт (38-35).

Жестока борба се водеше до самиот крај на натпреварот, а на крајот играчите на домашниот триумф успеаја да слават со 73-66 во мечот кој траеше речиси три часа.

Тадиќ беше најефикасен со 20 поени, четири скокови и шест асистенции кај Куманово, додека Адетукаси и Митревски постигнаа по 13 поени.