Коронавирус и во КФМ: Еден од предводниците на макбаскетот позитивен на Ковид-19!
Станува збор за член на најтесното раководство на Кошаркарската федерација на Македонија (КФМ), кој иако е без значајни симптоми веднаш е изолиран и се очекува набрзо да се врати на своето работно место во федерацијата (името е намерно изоставено со цел да се зачува неговата приватност). Ова сигурно ќе биде голем проблем за Куќата на кошарката во период кога треба да се најде решение за тоа дали и кога би почнала новата сезона.
Првенството досега двапати беше пролонгирано, поради појавата на позитивни на Ковид-19 меѓу прволигашите, прво во таборот на Работнички, а потоа и во речиси половина Прва лига, поради што дел од екипите во моментов се во карантин односно во изолација.