Америка стана ветена земја: Наследникот на Владо Илиевски ќе игра во НЦАА лигата!

Долгогодишниот младински репрезентативец, кој со оглед дека е од Струмица неретко е нарекуван и наследник на Владо Илиевски, ќе го носи дресот на Мисури стејт универзитетот од Спрингфилд, градот каде што е измислена кошарката од Џејмс Нејсмит. Екипата минатата сезона ја заврши на осмата позиција во својата конкуренција, а домашните натпревари ги игра во арена која собира околу 11.000 гледачи.

Зетов со овој трансферим се придружива на репрезентативните соиграчи, Андреј Шошкиоќ и Теодор Симиќ, кои исто така настапуваат во американската колеџ-лига. Младиот кошаркар од Струмица зад себе има солидна сезона во Кожув, со кој обезбеди место во Топ-6 фазата од домашниот шампионат, а претходно беше дел и од МЗТ Скопје. За Зетов во минатото интерес покажуваше и Партизан, каде што своевремено беше и на проба, а воедно ги мина сите младински селекции на македонската репрезентација.