„Започна кампањата Movember на Златен Даб под мотото „На здравје, за машкото здравје!“

Во рамките на кампањата која ќе трае цел ноември, ќе се поделат лимитиран број на ваучери што ќе ги доделуваме секоја недела, за уролошки и превентивни прегледи во две приватни болници – Аџибадем Систина и Жан Митрев, преку пополнување на формата објавена на следниот линк: www.zlatendab.mk/movember.

„Оваа сабота на 1 ноември, Златен Даб беше покровител на спортско искачување на планината Водно во соработка со планинарското друштво H2O и планинарскиот дом „Даре Џамбаз“, каде се дружевме со добра енергија, одлична музика и ладно пиво. Поводот беше симболично да го официјализираме почетокот на кампањата за машко здравје на Златен Даб - „На здравје, за машкото здравје!“ и приклучување кон „Мовембер“ глобалното движење посветено на машкото здравје, со цел да нè потсети дека редовните прегледи и превенцијата се најважни чекори за долгорочно здравје.“ – изјави Марјан Стоилов, Директор на сектор за продажба во Прилепска Пиварница. 

Златен Даб ги повикува сите да се приклучат на кампањата и да направат чекор кон сопственото здравје, затоа што грижата за себе е доказ за вистинска одговорност.

Со секоја наредна година, Мовембер во организација на Прилепска Пиварница станува традиција и симбол на одговорност, храброст и заедништво.

На здравје, за машкото здравје!