„Шумахер никогаш нема да биде истиот човек кој го познававме“

16 септември 2023 - 13:38

Седумкратниот светски шампион во Формула 1, Михаел Шумахер во 2013 година имаше несреќа на скијање, по која никогаш повеќе не се појави во јавноста, а семејството не сакаше да открива детали за неговата здравствена состојба.

Поранешниот возач Џони Херберт кажа дека Шумахер не е човекот кој бил во минатото и тоа влијаело дури и на неговиот брат Ралф Шумахер.

„Кога Ралф работеше за ‘Скај Германија’ многу често имавме средби. сега мора да работи повеќе за да помогне на семејството. Несреќата на Михаел го промени и него. Никогаш нема добри вести за Михаел. Страшно е тоа што Шумахер никогаш повеќе нема да биде човекот кој го познававме“, вели Херберт.