Норис прв ќе стартува на премиерата во Мадрид!

12 септември 2026 - 17:11

Ландо Норис беше најбрз во квалификациите пред утрешната трка за Големата награда на Мадрид.

Формула 1 за првпат се вози на патеката во шпанската престолнина, а викендот во Мадрид веќе донесе интересни моменти. На тренинзите, Луис Хамилтон имаше непријатен момент откако направи грешка и удри во заштитниот ѕид.

Сепак, во квалификациите во центарот на вниманието беше Ландо Норис. Актуелниот светски шампион ја освои пол-позицијата и утрешната трка ќе ја започне од првото место. Веднаш зад него ќе стартуваат Кими Антонели и Макс Верстапен.

Зад нив следуваат: Луис Хамилтон, Шарл Леклер, Џорџ Расел, Оскар Пјастри, Лиам Лосон, Франко Колапинто и Арвид Линдблад.