Хамилтон му го понуди победничкиот пехар на Ботас (ВИДЕО)

01 октомври 2018 - 13:01

Луис Хамилтон вчера победи на трката за Големата награда на Русија на патеката во Сочи, но истата падна во сенка на тимската наредба на Мерцедес. 

Шефовите на Мерцедес му наредија на Валтери Ботас да го пропушти својот тимски колега иако беше во водство во тој дел од трката. Финецот ја послуша наредбата и му ја подари победата на Хамилтон, кој се бори за шампионскиот пехар.

На доделувањето на трофеите на победничкиот подиум, Хамилтон му го понуди својот пехар на Ботас со оглед на фактот дека тој е моралниот победник од оваа трка. Можеби ако Англичанецот ја обезбеди титулата на неколку трки пред крајот, ќе има доблест и ќе му подари една победа на својот тимски колега.