Австралиецот Милер убедливо најбрз на трката на ГН на Јапонија!

25 септември 2022 - 09:09

Австралискиот мотоциклист Џек Милер победи на трката за Големата награда на Јапонија, која утринава се возеше на патеката „Мотеги“.

Возачот на „Дикати“ доминираше на асфалтот и без никакви проблеми прв ја мина стартно-целната рамнина. Зад него завршија Хорхе Мартин од Прамак рејсинг и Бред Биндер на КТМ, додека како четврти заврши Марк Маркез, иако трката ја почна од пол-позицијата.

Лидерот во генералниот пласман, Фабио Квартараро, го освои осмото место, а неговиот најголем ривал за титулата, Пеко Бањаја, падна буквално во последниот круг од трката.