Астон Мартин го задржува тандемот Строл - Фетел и во 2022 година
Веќе подолго време беше јасно дека Астон Мартин не планира промена во својот возачки ростер, но подолго време се преговараше со Фетел поради одредени клаузули во неговиот договор. Германецот конечно ги разреши сите дилеми и втора сезона ќе вози за Астон Мартин.
„Возбуден сум што ќе бидам со тимот и следната година, кога Формула 1 влегува во една нова ера. Тоа ќе биде комплетно различен болид, а ќе имаме и многу нови технички правила. Верувам дека промените ќе придонесат за многу поинтересно натпреварување, како за нас возачите, така и за навивачите“, рече Фетел, кој претходно возеше за Ферари, а најголемите успеси во кариерата ги имаше во Ред Бул, кога освои четири шампионски титули.