Сите великани ќе се (ис)требат до финалето во ЛШ, ПСЖ и Атлетико добија „полесен пат“

10 јули 2020 - 12:34

Првпат во историјата Лигата на шампионите ќе се игра со фајнлејт-турнир, а Лисабон поради корона-кризата ќе биде домаќин во скратената верзија за доигрување на оваа сезона од 12 до 23 август во која Европа секако ќе добие нов европски првак по елиминацијата на Ливерпул, а спектакуларната ждрепка денеска се одржа во Нион за сите фази од завршницата на мултимилионската елита.

Два големи спектакли се можни во четвртфиналето, но сè зависи од тоа како прво ќе завршат реванш осминафиналните четири меча во кои Реал Мадрид и Јувентус ќе бркаат негатива, а Баерн Минхен само формално ќе го игра дуелот со Челси.

Ждрепката сакаше Јувентус ако го мине Лион ќе се соочи со Манчестер сити или Реал Мадрид во џиновската пресметка, а Баерн Минхен кој речиси е извесен четвртфиналист ќе ја чека Барселона, која е голем фаворит против Наполи на домашен терен за место меѓу најдобрите осум. И да е спектаклот поголем, сите гиганти се најдоа во ист костур, па на патот кон финалето буквално ќе се истребат, зашто овие четири екипи меѓусебе ќе се соочат во полуфиналето, што значи неверојатни пресметки.

Од друга страна ПСЖ и Атлетико Мадрид, како благи фаворити поради поголемото искуство, имаат отворен пат кон финалето, а ова особено важи за „светците“ кои вложија купишта пари, но немаа успех во Европа.

ОСМИНАФИНАЛЕ РЕВАНШИ, 7 И 8 АВГУСТ
Манчестер: Манчестер Сити – Реал Мадрид (2-1 прв меч)
Барселона: Барселона – Наполи (1-1)
Торино: Јувентус – Лион (0-1)
Минхен: Баерн Минхен - Челси (3-0)

ЧЕТВРТФИНАЛЕ, 12-15 АВГУСТ, ЛИСАБОН
Манчестер сити/Реал Мадрид – Јувентус/Лион
РБ Лајпциг – Атлетико Мадрид
Наполи/Барселона – Челси/Баерн Минхен
Аталанта - ПСЖ

ПОЛУФИНАЛЕ, 18-19 АВГУСТ, ЛИСАБОН
Манчестер сити-Реал Мадрид/Јувентус-Лион – Наполи-Барса/Челси-Баерн Минхен
Лајпциг/Атлетико Мадрид – Аталанта/ПСЖ

ФИНАЛЕ, 23 АВГУСТ, „ЛУЖ“ - ЛИСАБОН