Шкендија тренираше без главниот тренер: Положани имал проблеми со визата!

05 август 2026 - 21:50

Тренерот на Шкендија, Артим Положани, не отпатува навреме со екипата во Шкотска поради доцнење во постапката за издавање виза за влез во Обединетото Кралство.

Положани поради тоа ја пропушти официјалната прес-конференција и последниот тренинг пред натпреварот против Хибернијан. Наместо него, обврските ги изврши помошникот-тренер Куштрим Вока, заедно со останатите членови на стручниот штаб.

Од клубот соопштија дека проблемот со визата е решен и дека Положани ќе пристигне во Единбург во текот на четврток, кога ќе му се приклучи на тимот и ќе ја предводи Шкендија на натпреварот против Хибернијан.

Шкендија утре од 21 часот го игра првиот меч против Хибернијан од третото квалификациско коло во Конференциската лига.

Фото: ФК Шкендија