Розенборг држеше прес-конференција за „дури“ - тројца новинари (ВИДЕО)

27 септември 2017 - 15:26

Фудбалерите на Розенборг попладнево ја одржаа задолжителната прес-конференција пред утрешниот дуел од 2. коло од Лига Европа против нашиот Вардар, која предизвика ужасно лош интерес кај медиумите во Норвешка.

На средбата со тренерот и со капитенот на норвешкиот шампион беа присутни точно – тројца новинари, што е зачудувачки со оглед на фактот што станува збор за натпревар од европски карактер. Дружбата со тројцата новинари, сепак, траеше 15-тина минути во кои малиот број претставници имаа прашања за присутните од Розенборг, за разлика од светкиот рекорд кој Вардар го постави пред реванш-дуелот со Малме во квалификациите за ЛЕ.

Тогаш, во Струмица, црвено-црните ја одржаа најкусата прес-конференција во историјата која траеше точно – 50 секунди.