
Почнуваат европските квалификации за Светското првенство, Тухел дебитира против Албанија
Најголемиот дел од силните европски репрезентации уште настапуваат во Лигата на нации, па речиси и да нема дерби натпревар во денешните дуели од квалификациите за СП.
Интересно ќе биде да се види како ќе дебитира Томас Тухел на селекторската позиција на Англија. Тие со почеток од 20:45 часот ја пречекуваат Албанија на Вембли.
Денот ќе почне со мечот меѓу Кипар и Сан Марино кои играат во 18 часот, а потоа следуваат дуелите: Андора - Летонија, Англија - Албанија, Малта - Финска, Полска - Литванија, Романија - Босна и Херцеговина.
Македонија утре ги почнува квалификациите, од 15 часот играме на гостински терен кај Лихтенштајн.