Овен: Не разбирам зошто ПСЖ е фаворит, па тие се полоши од минатата сезона!

16 септември 2021 - 14:04

Клуб Бриж одигра 1-1 против ПСЖ во првото коло од Лигата на шампиони (ЛШ). За првпат од стартот на мечот заиграа заедно Лионел Меси, Нејмар и Килијан Мбапе, но ниту тоа не му помогна на францускиот гигант.

Поранешниот англиски напаѓач Мајкл Овен во интервју за англиските медиуми кажа дека ПСЖ воопшто не е фаворит за титулата во ЛШ.

„Ова трио на ПСЖ е послабо отколку во претходните сезони и не разбирам зошто тие се еден од фаворитите за освојување на трофејот. Мислам дека англиските екипи се многу помоќни од францускиот тим“, вели Овен.