Објавена снимка од „бегството“ на Роналдо: Од Копенхаген замина директно за Мадрид (ВИДЕО)

01 октомври 2026 - 07:50

Португалскиот фудбалер Кристијано Роналдо го напушти кампот на репрезентацијата во Копенхаген, а на социјалните мрежи се појави и снимка од неговото заминување.

Роналдо, кој одлучи да го напушти репрезентативниот камп пред натпреварот со Данска, околу 2 часот по локално време пристигнал во Мадрид, откако директно од Копенхаген се упатил кон шпанската престолнина.

Заминувањето се случи по прес-конференцијата на селекторот Жорже Жезус и разговорот на Роналдо со претседателот на Португалската фудбалска федерација.

Роналдо потоа јавно потврди дека решил да го напушти кампот и најави дека во иднина ќе ги објасни причините за својата одлука.

Фото: Facebook/Seleções de Portugal