Хаос меѓу Украинците: Лунин и Зинченко го избркале селекторот од состанок

18 јуни 2024 - 11:32

Украина разочара на почетокот на Европското првенство (ЕП) бидејќи загуби со убедливи 0-3 од Романија, а по средбата следел жесток состанок меѓу репрезентативците.

Новинарите на „Билд“ објавија дека селекторот Сергеј Ребров не бил присутен на состанокот затоа што го избркале голманот Андриј Лунин и дефанзивецот Олександер Зинченко.

Ребров беше директен на прес-конференцијата и не се двоумеше да ги нападне фудбалерите за поразот од Романија.

„Ние ја претставуваме Украина на турнирот. Играчите добиваа пораки од војници, имаат поддршка од цела држава. Секој мора да го даде својот максимум, а ако не може, тогаш ќе биде тешко“, кажа Ребров.