Седумкратен француски шампион под закана да биде исфрлен од елитата

Француските медиуми пишуваат дека Лион би можел да биде исфрлен во Лига 2, а исто така да добие забрана за трансфери.

Доколку екипата не си ги исплати долговите до крајот на сезоната, тогаш ќе се соочи со непосакуваното сценарио, а тоа е преселба во понизок ранг.

Во моментов долгот на бившиот шампион изнесува неверојатни 508 милиони евра, а тоа значи дека клубот ќе мора да продава дел од фудбалерите во следниот период.

Лион во моментов се наоѓа на петтата позиција со 18 освоени бодови по 11 одиграни кола.