Голем проблем за Србите: За фудбалерот на Јувентус предвреме заврши настапот на ЕП!

17 јуни 2024 - 08:52

За српскиот репрезентативец, Филип Костиќ, настапот на Европското првенство (ЕП) во Германија заврши предвреме, што ќе биде голем проблем за селекторот Драган Стојковиќ-Пикси пред дуелите со Словенија и Данска во кои ќе се бркаат бодови за пласман во нокаут-фазата.

Фудбалерот на Јувентус го повреди коленото на синоќешниот натпревар против Англија (0-1), а лекарските прегледи покажаа дека тоа е посериозен проблем кој ќе го оддалечи од терените додека трае учеството на Србија. Костиќ мораше да го напушти теренот на крајот од првото полувреме и тоа без да има некој видлив дуел со противнички фудбалер. Во еден момент само седна на тревата, а од изразот на лицето се виде дека ситуацијата е проблематична.

Наместо него на теренот влезе Филип Младеновиќ, а Костиќ со солзи во лицето тргна кон српската клупа.