Фудбалерите на Барса ја славеа победата над Баерн како да ја освоиле Лигата на шампионите (ВИДЕО)

24 октомври 2024 - 08:40

По толку трауми од Баерн и големи неуспеси последните сезони, јасно е дека победата на Барселона над германскиот гигант е еден од најголемите успеси на тимот, но никој не очекуваше таа да биде толку бурно прославена.

По завршувањето на синоќешниот меч, фудбалерите на каталонскиот тим се упатија кон најжестоките навивачи и со нив ги пееја песните посветени на Барса, притоа лудо танцувајќи покрај трибината. Некој што не е упатен во спортот, веројатно ќе помислеше дека слават освојување на голем трофеј, можеби и Лигата на шампионите.

Победата против Баерн е голема, но не носи ништо особено во овој момент. Барселона дури и не се наоѓа на некоја од позициите кои водат во осминафиналето од Лигата на шампионите и ако не продолжи во ист стил, ќе треба да игра плејоф за влез меѓу 16. најдобри.