ФИФА укина уште едно правило кое екстремно ги нервираше љубителите на фудбалот!

Новиот систем ќе им помага на помошните судии во ситуации кога офсајдот е јасен. Според најавите, доколку технологијата детектира дека фудбалерот се наоѓа во недозволена позиција поголема од 10 сантиметри, помошниот судија веднаш ќе добие звучен сигнал во слушалката и ќе може без одложување да го крене знаменцето. Со ова практично ќе исчезнат сцените кои со години ги нервираат навивачите – кога офсајдот е очигледен неколку метри, а акцијата сепак продолжува сè до завршување на нападот пред судијата да реагира.

Досегашната практика на одложено кревање на знаменцето беше воведена поради ВАР-технологијата, со цел да се избегнат грешки во спорните ситуации и да се дозволи акцијата да заврши пред да биде донесена конечна одлука. Покрај новиот офсајд-систем, ФИФА ќе воведе и дополнителни технолошки новитети. Меѓу нив е автоматско следење дали топката ја напуштила играта, како и специјален 3Д-приказ кој ќе им помогне на судиите при проценката дали играч од офсајд-позиција влијаел врз видното поле и реакцијата на голманот.

Целта на ФИФА е јасна – побрзи одлуки, помалку прекини и помалку контроверзи на теренот.

ФОТО: Wikipedia