Екс-вардарец претрча речиси цел терен и го казни Милан (ВИДЕО)

26 ноември 2024 - 19:18

Милан вечерва гостува кај Слован во Братислава во Лигата на шампиони (ЛШ) и за 25 минути на теренот паднаа два гола (1-1), а посебно импресивен беше погодокот на екс-вардарецот Тигран Барсегјан.

Калчолигашот постигна гол во 21. минута преку Кристијан Пулишиќ, по што продолжи да врши притисок кон голот на Слован, но тоа скапо ги чинеше „росонерите“ во 24. минута.

„Росонерите“ направија грешка при организацијата на нападот, по што Савидис му ја додаде топката на Барсегјан кој го претрча речиси цел терен и го матира Мајк Мењан.

Барсегјан го носеше дресот на поранешниот македонски шампион Вардар од 2016 до 2018 година.