Дерби на Апенините: Милан сака да го замолчи „Олимпико“ и да ја шокира Рома

18 април 2024 - 14:48

Рома има предност од еден гол против Милан од првиот четвртфинален натпревар во Лига Европа, а сега „росонерите“ ќе се обидат да ја надокнадат негативата и да го шокираат ривалот од Серија А.

Сите погледи вечерва ќе бидат вперени кон „Олимпико“ во Рим каде што ќе се соочат Рома и Милан, а двата тима имаат одредени проблеми.

Рома ќе излезе на мегдан без Брајан Кристанте и Сердар Азмун, додека Ендика сè уште е надвор од теренот и за него најверојатно сезоната е завршена. Милан не може да смета на повредените Калулу, Кјаер и Побега.

Фудбалерите на двете екипи ќе мора да внимаваат и на картони затоа што би можеле да добијат суспензија за првиот полуфинален меч. Под закана се Паредес, Спинацола, Калабрија, Леао, Мењан и Муса.

Даниеле Де Роси дозна дека ќе ја тренира Рома и следната сезона, па тоа е одлична вест пред дербито со Милан. Интересно е тоа што младиот тренер на „Волчицата“ има дури 11 победи и два порази на 16 меча.

Тренерот на Милан, Стефано Пиоли кажа дека неговиот тим заслужил барем реми во првиот меѓусебен дуел и најави голема битка.

„Ова ќе биде меч на високо ниво. Мора да внимаваме на деталите повеќе отколку минатиот пат“, кажа Пиоли.