Атлетико не успеа да го „крене“ Облак за дуелот со Барса

Словенецот се мачи со повреда веќе еден месец и иако тренира на речиси нормално ниво во последните денови, не се најде во составот за „Камп Ноу“. На негово место повторно ќе биде Хуан Мусо кој бранеше и во саботата против истиот ривал, но во Ла Лига.

Поради повреди надвор од теренот се и играчите од средниот ред Пабло Бариос и Џони Кардосо, кои не се во конкуренција подолго време. За Хозе Хименез ќе се одлучува во последен момент, бидејќи и тој има проблеми.

Поради отсуствата, тренерот Диего Симеоне беше принуден да ја пополни групата со тројца играчи од академијата. Тоа се двајцата резервни голмани Ескивел и Де Луис, како и Хулио Дијаз (дефанзивец), кој веќе некое време тренира редовно со машката екипа.