Замбија и Коморските острови влегуваат во „војна“ за прва победа на Африканскиот куп!

26 декември 2025 - 11:37

Репрезентациите на Замбија и Коморските Острови (19.30 часот) вечерва ќе се соочат во натпревар од второто коло во групата А на Купот на африканските нации и тоа во меч што ќе се одигра во Казабланка во кој двата тима ќе бркаат прва победа на турнирот.

Замбија во воведното коло ремизира со Мали (1-1) и повторно ќе смета на силна поддршка од своите навивачи на трибините. Од друга страна, Коморските Острови беа поразени од фаворитот Мароко (0-2) на стартот на шампионатот. Формата не оди во прилог на ниту една селекција – Замбија во последните пет натпревари има едно реми и четири порази, додека Коморските Острови запишаа една победа и четири порази, со серија од четири последователни неуспеси.

Двата тима последен пат се сретнаа во јуни, кога Коморските Острови славеа со 1:0 на гостински терен. Во последните пет меѓусебни дуели, двете селекции имаат по две победи.