Вимблдон ќе ги прекрши строгите правила за да му оддаде почит на Жота

03 јули 2025 - 21:47

Еден од најпрестижните тениски турнири во светот, Вимблдон ќе направи исклучок од своите строги правила со што ќе им дозволи на тенисерите да носат црни ленти на раката во знак на почит кон Диого Жота.

На Вимблдон тенисерите мораат да се придружуваат до белиот дрес-код, меѓутоа сега ќе биде направена отстапка со цел да се оддаде почит на еден од најдобрите фудбалери во Премиер лигата.

Како што е познато, Жота животот го загуби во сообраќајна несреќа во Шпанија заедно со неговиот брат, а прв кој потврди дека ќе настапи со црна лента беше португалскиот тениер, Франциско Кабрал.

„Диого не беше само спортска икона во Португалија, туку и посебна личност. Моите мисли се со неговото семејство. Ова е тежок момент за сите нас“, порача Кабрал.

Посебна почит на Жота ќе му оддаде и Ливерпул кој потврди дека ќе го повлече од употреба дресот со број „20“ кој го носеше португалскиот фудбалер.