Венгер го откри својот фаворит за титулата на СП 2026

05 декември 2025 - 17:54

Легендарниот тренер Арсен Венгер ги сподели своите очекувања за Светското првенство (СП), кое ќе се одржи следната година од 11 јуни до 18 јули во САД, Мексико и Канада.

Поранешниот стратег и актуелен шеф за глобален развој на фудбалот кажа дека негов главен фаворит за освојување на титулата е Франција.

Французите на последниот Мундијал во Катар стигнаа до финалето, но беа поразени од Аргентина на пенали.

„Се обидувам да бидам објективен, но Франција е супер-фаворит, и тоа само од една причина. Имаат повеќе напаѓачи од светска класа отколку било која друга репрезентација. Тие имаат квалитет кој ќе направи разлика“, кажа Венгер.

Фото: FIFA