Вакво нешто ретко се случува, Симеоне им се извини на Винисиус и Перез

Ќе потсетиме, најпрво во првото полувреме Симеоне, изнервиран од симулирањето на прекршок од страна на Винисиус, дојде до аут-линијата и, според интерпретацијата на коментаторите на „Мовистар“, извикал: „Флорентино ќе те избрка, запамети што ти кажувам!“.

Подоцна, во 81. минута, при излегувањето на напаѓачот на Реал Мадрид од игра, дојде до уште еден вербален конфликт меѓу Бразилецот и аргентинскиот тренер. Винисиус му дофрлил нешто на Симеоне, а стратегот на „јорганџиите“ му возвратил покажувајќи кон трибините и порачувајќи му да ги слуша свирежите што му ги упатуваат навивачите на Реал.

„Сакам да им се извинам на господинот Флорентино и на господинот Винисиус за она што се случи. Очигледно не е исправно од моја страна да се доведам во таква ситуација и прифаќам дека не бев во право“, изјави аргентинскиот стратег на прес-конференцијата по денешниот утрински тренинг на својот тим.

Атлетико како што е познато го загуби полуфиналето од градскиот ривал кој пак во вчерашното финале не успеа да дојде до трофејот и беше поразен од Барселона.