Тренерската кариера на Иниеста почна со драматичен пораз

За легендарниот шпански фудбалер ова беше прв официјален натпревар во тренерската кариера, откако во 2024 година ја заврши играчката кариера. Иниеста во јуни пристигна во Гулф Јунајтед, а паралелно со работата продолжува да се школува за највисоката тренерска лиценца.

Натпреварот донесе вистинска голгетерска драма. Домаќините поведоа во осмата минута со автогол, но Гулф Јунајтед брзо израмни преку Џон Боско Нчиндо. Диба Ал Фуџаира повторно поведе во 21. минута, но Беник Афобе пред паузата донесе ново израмнување – 2-2. Во второто полувреме драмата продолжи. Домаќините повторно стигнаа до водство, но Малик Атанда со својот втор погодок на натпреварот успеа да израмни на 3-3.

Сепак, радоста на Иниеста и неговите фудбалери траеше само кратко. Само една минута подоцна Абдула Саид го постигна победничкиот гол за Диба Ал Фуџаира и му го нанесе првиот пораз на Иниеста како тренер. И покрај неуспешниот старт, Иниеста во новиот клуб има задача првенствено да работи со млади фудбалери. Гулф Јунајтед е проект насочен кон развој на таленти, а клубот во последните години забележа два последователни пласмани во повисок ранг.

За Иниеста, така, првата тренерска лекција заврши со пораз, но натпреварот со дури седум голови покажа дека Гулф Јунајтед има потенцијал за интересна сезона.