Светот вакво чудо уште не видел - спектакуларен стадион на 350 метри над земјата! (ВИДЕО)

24 октомври 2025 - 15:43

Саудиска Арабија според последните најави сака да ги помести границите на архитектурата кога во прашање се стадионите најавувајќи изградба на прв стадион кој би бил над земјата.

Планирано е стадионот да биде сместен во рамките на футуристичкиот мега-проект НЕОМ и тоа на околу 350 метри над земјата во внатрешноста.

Најавите се дека капацитетот би бил околу 46.000 места и во земјата веруваат дека би бил центар на идните спортски случувања, вклучувајќи го и Светското првенство во 2034 година на кое Саудиска Арабија ќе биде домаќин.

Иако веќе визуелните планови се претставени на јавноста, експертите нагласуваат дека проектот и понатаму е во фаза на планирање. Според достапните информации почетокот на изградбата би можел да биде во 2027 година, а крајот пет години подоцна во 2032 година.