Сити единствен со максимален ефект: Познати осминафиналните двојки на СКП

27 јуни 2025 - 09:16

Ноќеска официјално заврши групната фаза од Светското клупско првенство што се одржува во САД и познати се двојките за осминафиналето од ова натпреварување.

Единствениот тим кој заврши со максимални девет бода е Манчестер Сити кој синоќа го прегази Јувентус со 5-2 и покажа дека е способен да оди до крајот. Најголемо разочарување е Атлетико Мадрид кој единствен од европските гиганти го заврши својот настап уште во групата.

Во осминафиналето има две европски пресметки, класикот меѓу Реал и Јувентус и дуелот на Бенфика и Челси. Меѓу себе ќе играат и бразилските гиганти Палмеирас и Ботафого, но најинтересно е тоа што уште сега има најави за блескави пресметки до крајот на првенството.

На иста страна од „костурот“ се ПСЖ, Интер Мајами со Меси, Баерн, Реал и Јувентус и сите овие екипи би можеле да се сретнат во некоја фаза од шампионатот. На другата страна не е толку збиена конкуренцијата и се чини дека Манчестер Сити е најголем фаворит за пласман во финалето.