Шпанија ја прегази С. Арабија за прв триумф на СП 2026 (ВИДЕО)

21 јуни 2026 - 20:03

Шпанија ја запиша првата победа на Мундијалот, откако денеска ја прегази Саудиска Арабија со убедливи 4-0 во второто коло од турнирот.

Фудбалерите на Шпанија тргнаа жестоко во натпреварот, па само по 10 минути Ламин Јамал погоди за водство од 1-0, а до крајот на првото полувреме два пати погоди Микел Ојарзабал (3-0).

Саудиска Арабија си постигна автогол во 49. минута преку Хасан Ал Тамбакти, додека во завршницата од мечот Шпанија погоди и петти пат преку Феран Торес, но голот беше поништен поради офсајд.

Шпанија со оваа победа скокна до првото место во групата Х и има четири бодови, додека по еден поен имаат Уругвај, Саудиска Арабија и Зеленортските Острови.

Фото: X/Selección Española Masculina de Fútbol