Саудијците целат кон повеќе играчи од Премиерлигата, најголеми ѕвезди се Салах и Де Брујне!

29 февруари 2024 - 14:03

Клубовите од Саудиска Арабија, планираат нова офанзива на европскиот пазат во летниот преоден рок, веќе се споменуваат имиња на фудбалерите по кои ќе тргнат.

Според „ЕСПН“, Саудијците фрлиле око на повеќе фудбалери од Премиерлигата, медиумот посочи девет играчи.

Најголеми ѕвезди се Мохамед Салах и Кевин Де Брујне, а покрај нив интерес има и за Вирџил ван Дајк, Алисон, Рафаел Варан, Касемиро, Бруно Фернандеш, Бернардо Силва и Андреас Переира.

Поранешниот египетски фудбалер, Ахмет Мидо за Салах рече дека тој дури и го потпишал договорот со саудискиот клуб кој се интересира за него.