Роналд Куман се врати на клупата на Холандија

10 декември 2022 - 16:40

Експресно откако Луј Ван Гал го заврши мандатот како селектор на Холандија после елиминацијата од Аргентина на пенали вчеравечер, „оранје“ го најде новиот кормилар и тоа во легендарниот Роналд Куман.

Куман се враќа на местото селектор откако ги водеше „лалињата“ од 2018 до 2020 година, а потоа реши да ја прекине соработката за да ја преземе Барселона, својот бивш клуб каде имаше неуспешна авантура, па брзо доби отказ и беше сменет.

Една година откако немаше работа сега Куман повторно е селектор, а во првиот мандат имаше 11 победи, пет ремија и четири порази.