Поразителна статистика за португалскиот ас: Тројца голмани имале повеќе дриблинзи од Роналдо

Според WhoScored, Роналдо не комплетирал ниту еден успешен дриблинг во петте натпревари што ги одигра за време на турнирот. Тројцата голмани кои го надминаа по бројот на дриблинзи се: Алиреза Беиранванд од Иран (3 дриблинзи), Алисон Бекер од Бразил (1) и Возиња од Зеленортски Острови (1).

Иран беше елиминиран во групната фаза, додека Бразил стигна до осминафиналето каде доживеа пораз од Норвешка. Зеленортските Острови исто така стигнаа до осминафиналната фаза и таму загубија од актуелниот шампион Аргентина.

Кристијано Роналдо е единствен фудбалер кој настапил на последните две светски првенства, а не комплетирал ниеден дриблинг.