Напаѓач на Интер остана заглавен во Иран!

14 јуни 2025 - 10:58

Додека неговите соиграчи се подготвуваат за настап на Светското клупско првенство, напаѓачот Мехди Тареми остана заглавен во Техеран поради воениот конфликт меѓу Иран и Израел.

Тареми беше во Иран поради настапи за неговата репрезентација, но пред се врати во таборот на нероазурите оваа земја беше нападната од Израел.

Поради ситуацијата аеродромите во Иран во моментов не се во функција, па Тареми не може да им се приклучи на соиграчите од Интер кои веќе се во Лос Анџелес за настапот на Светското клупско првенство.

Интер првиот настап на ова натпреварување го има во среда во 3 часот по полноќ. Неизвесно е дали Тареми дотогаш ќе најде начин да му се приклучи на тимот.

Фото: X/Inter