На повидок пресврт: Шешко пристигнува во Премиер лигата, но не во Јунајтед?

05 август 2025 - 07:40

Според последните информации од Островот напаѓачот Бенџамин Шешко ќе ја продолжи кариерата во Премиер лигата, но не во Манчестер јунајтед како што се најавуваше во претходните денови.

Наводно, неговите агенти не добиле понуда од „црвените ѓаволи“ и целата ситуација може да ја искористи Њукасл кој е подготвен да го доведе како замена за Исак кој сака нов предизвик во кариерата и може да заврши во Ливерпул.

Лајпциг за услугите на Шешко бара 70 милиони евра и тоа нема да биде проблем бидејќи се очекува клубот од „Сент Џејмс Парк“ со продажбата на Исак да заработи над 100 милиони евра.

Една понуда која изнесуваше 120 милиони евра и веќе беше одбиена. Њукасл со Шешко би добил фудбалер кој може да биде одлична замена за Исак, но исто така и би зачувал дел од парите што ќе ги заработат со заминувањето на својот најдобар фудбалер.

Фото: RB Leipzig/X