Ѓоковиќ им порача на ривалите: Млад сум како секогаш, силен сум како секогаш! (ВИДЕО)

30 август 2025 - 08:48

По победата над Камерун Нори, Новак Ѓоковиќ беше расположен, изгледаше свежо и покрај тоа што претходно се мачеше со повреда на грбот.

Новак не сакаше да открива многу за повредата, колку и дали таа воопшто е сериозна. 

„Знаете, имате подеми и падови. Мислам дека не сакате многу да им откривате на ривалите кои го слушаат и гледаат ова интервју. Добар сум, млад како секогаш и силен како секогаш“, изјави Ѓоковиќ по победата над Нори.

Овој меч Србинот го доби со 3-1 во сетови и се пласираше во осминафиналето на УС Опен каде што ќе игра против Штруф.