„Возбуден сум што потпишав за Ренџерс, ова е вистинското место за мене!“

Миовски по потписот за Ренџерс кажа дека е возбуден што доаѓа во еден од најтрофејните шкотски клубови.

„Возбуден сум што доаѓам во Ренџерс. Кога дознав за нивниот интерес, знаев дека ова е местото во кое сакам да играм. Ова е вистинското место за мене. Едвај чекам да заиграм пред навивачите“, кажа Миовски.

Тренерот Расел Мартин искажа задоволство што го ангажирале Македонецот, кој веќе се докажа во шкотската лига во дресот на Абердин.

„Задоволен сум што се договоривме со Бојан. Неговото движење на теренот, интелигенцијата и способноста да дава голови ќе биде од големо значење за нас. Тој ја познава добро лигата и има одлична статистика“, кажа стратегот.

Пофални зборови за македонскиот репрезентативец имаше и спортскиот директор Кевин Телвел.

„Бојан е играч кој го следевме детално и пресреќни сме што потпиша за нас. Тој е докажан напаѓач кој постигнува многу голови. Веќе има искуство во шкотската лига и тоа е голам предност“, посочи спортскиот директор.

 Голгетерот пред да се пресели во Ренџерс играше за Жирона минатата сезона, но не се прослави премногу во дресот на шпанскиот клуб.