Модриќ: Алегри бара од мене да зборувам за време на мечот!

30 август 2025 - 09:24

Милан синоќа со 2-0 славеше на гостувањето кај Лече, победа која следува по шокантниот пораз од Кремонезе на стартот од новата сезона, Лука Модриќ беше асистент во вчерашниот триумф.

По натпреварот Лука Модриќ меѓудругото откри и дека Масимо Алегри од него бара да зборува со соиграчите на теренот и да им дава самодоверба.

„Се чувствувам многу добро, се е перфектно. Почнувам да се разбирам со соиграчите, се чувствувам релаксирано. Потребно е уште да најдам куќа, но со исклучок на тоа, се е добро. Се разбира дека е многу подобро кога победувате“, вели Модриќ.

„Се уште се запознаваме меѓусебно со Алегри, тој бара од мене да му помагам на тимот со повеќе флуидност. Работам да влезам во физичка форма и се надевам дека ќе бидам 100 проценти по репрезентативната пауза“.

„Тренерот бара од мене да зборувам многу на теренот, има многу млади фудбалери и потребна им е самодоверба“.

„Отсекогаш сум ја прател италијанската лига, бидејќи имало многу хрватски фудбалери кои играле тука. Сум навивал за милан. Играв многу мечеви против италијански тимови и добро знам како тактички совршено се организирани во секоја фаза. Лигата е многу тешка, на секој меч треба да даваме се од себе за да победиме. Засега уживам во она што го гледам“.