Меси со специјален дрес ќе игра на прошталниот натпревар за Аргентина (ФОТО)

22 септември 2026 - 09:15

Лионел Меси го претстави специјалниот дрес со кој ќе го одигра својот последен натпревар во дресот на Аргентина.

Легендарниот фудбалер објави видео на социјалните мрежи на кое ги подготвува копачките и го менува еден дрес со друг, а објавата ја придружи со емотивна порака: „Последниот натпревар... Дрес за цел живот“.

Меси ќе се прости од националниот тим на 6 октомври, кога Аргентина на „Монументал“ во Буенос Аирес ќе игра против Бенин. Дресот за оваа посебна пригода има златно испишани презиме „Меси“ и бројот 10. Околу бројката е поставено „Мајското сонце“, еден од најпрепознатливите национални симболи на Аргентина.

За Меси ова ќе биде емотивен крај на една неверојатна репрезентативна ера. За националниот тим дебитираше во 2005 година, а со Аргентина освои Светско првенство во 2022 година, две титули на Копа Америка во 2021 и 2024 година, како и Финалисима во 2022 година. На Светското првенство во 2026 година Меси стигна до финалето со Аргентина, но неговиот тим загуби од Шпанија со 0:1.

Досега Меси има одиграно 207 натпревари за Аргентина и постигнато 125 голови.