Менаџерот на Салах му го расипал трансферот откако тој го прифатил?!

19 јули 2026 - 19:22

Пред два дена се појави информација дека Мохамед Салах би можел да ја продолжи кариерата во Бешикташ и сè одело кон реализација на договорот, додека не се вмешал неговиот агент со барање за лична провизија од дури 35 отсто од трансферот.

Оваа информација ја сподели првиот човек на Бешикташ, Сердал Адали, кој истакна дека таквата сума е неприфатлива за истанбулскиот клуб и дека може да го загрози веќе договорениот трансфер на Египќанецот.

„Мохамед Салах лично разговараше и со Винченцо Италијано и со нашиот спортски директор и го одобри трансферот. Меѓутоа, веднаш штом во медиумите се појавија информации дека договорот е завршен, неговиот агент ги зголеми финансиските барања и ја подигна својата провизија на неверојатни 35 отсто“, изјави Адали.

Потоа нагласи дека тоа може да го загрози трансферот кој бил на чекор до реализација.

„Од наша гледна точка, таков процент е неприфатлив под какви било услови. Не мислиме дека ниту самиот Салах е свесен за овие бројки“, додаде Адали.