Лондонското дерби без победник, Челси и Арсенал ги поделија бодовите (ВИДЕО)

Првото поголемо возбудување на натпреварот го видовме по половина час игра пред голот на Челси кога Хаверц ја погоди мрежата, но сепак тој гол беше поништен поради недозволена позиција.

На паузата се замина со почетниот резултат. Арсенал во вториот дел сепак успеа прв да дојде до водство кога на истекот на еден час игра Мартинели се запиша во листата на стрелци.

Челси резултатски се врати во игра десет минути подоцна кога Педро Нето беше оставен сам пред шестнаесетникот и со одличен удар ја погоди мрежата на гостинскиот тим.

На крајот тој резултат се покажа и како конечен. По ова реми двете екипи останаа со ист број на бодови (19) на третата и четвртата позиција, но 19 бода имаат уште Нотингем и Брајтон.