Кремонезе беше на чекор до нов бод, но ги „расплака“ Бајрами во 92. минута (ВИДЕО)

06 март 2023 - 20:35

По победата над Рома, Кремонезе беше блиску да освои гостински бод од кај Сасуоло, минути фалеа, но домаќините дојдоа до триумф со погодок постигнат во судиското продолжение од натпреварот.

Сасуоло и Кремонезе одиграа интересен натпревар со пет голови кој заврши со победа на домаќините од 3-2.

Со головите на Лориенте и Фратези, Сасуоло имаше водство од 2-0 по првото полувреме, но работите се променија во вториот дел.

Десерс даде голови во 62. и 83. минута за израмнување на 2-2. Кремонезе беше рамноправен противник, но попушти на крајот.

Бајрами во 92. минута постигна убав гол за победа на Сасуоло од 3-2.