Лудо: Шпанија даде тројка на 0,4 секунди до крајот, па во продолжение ја победи Словачка! (ВИДЕО)

22 ноември 2024 - 20:54

Шпанија дојде до првата победа во квалификациите за Европското првенство откако со 76-72 ја совлада Словачка на нејзин терен, но начинот на кој дојдоа до триумфот беше исклучително возбудлив.

На семафорот имаше 0,4 секунди до крајот, Словачка водеше со 67-64, шпанскиот кошаркар Јуста даде тројка и го однесе мечот во продолжение. Шпанецот ја шутна топката пред да истече времето на семафорот, но впечаток е дека тој малку подоцна почна да го брои времето, па кошот може да се оквалификува и како спорен.

Во продолжението од пет минути Шпанците беа подобри и на крајот дојдоа до победа од 76-72. Словачка може да жали, бидејќи триумфот им се лизна од раце на неверојатен начин.