Барса доживеа дебакл и од Баерн, два тешки порази по ред!

22 ноември 2024 - 22:27

По загубениот меч од Париз, Барселона доживеа уште еден тежок пораз во Евролигата, овојпат Каталонците беа преслушани на гостувањето кај Баерн Минхен кој победи со 100-78.

Германскиот тим беше доминантен од самиот почеток на натпреварот, Баерн Минхен ги доби сите четвртини и на крајот со убедливи 22 разлика дојде до победата.

Фантастична партија имаше Обст кој постигна 34 поени, најефикасен во составот на Барселона беше Паркер со 26 поени.

Барселона по овој пораз падна дури на осмото место на табелата, Баерн се качи на третата позиција.

Денеска во Евролигата се одигра и мечот меѓу Жалгирис и Панатенаикос кој го добија домаќините со 84-77.