Јаневски промовиран за помошник на Јужна Африка, но ќе ја води „Бафана Бафана“ за три дена (ФОТО)
Јаневски доаѓа во Јужна Африка да му биде прв соработник на новиот селектор Хуго Брос, но македонската легенда ќе го води мечот, зашто селекторот е во Белгија во исчекување на ревакцинацијата против коронавирус.
„Ова е крај на сезона, последните мечеви завршија минатиот викенд, па нормално требаше да имаме повеќе време за подготовки, но тука не станува збор само за физичко-тактички подготовки, туку за поврзување, подобро запознавање. Се надевам дека пред септемвриските квалификации ќе имаме повеќе време“, рече Јаневски.
Брос уште пред враќање во Белгија ги избра фудбалерите, а селекцијата е подмладена, но ќе недостигаат двајца, Перси Тау и Тебохо Мокоена, кои се позитивни на коронавирус.
Јаневски во овој пролетен дел од сезоната беше тренер на Олимпијакос Никозија во Кипар, кој го однесе до финале во националниот куп, а историски првпат и во плејофот за првак. Легендарниот фудбалер е поранешен фудбалер и тренер на Вардар, а беше тренер и во Бриж, помошник во Олимпијакос, тренер на Ц. Звезда и на уште неколку белгиски прволигаши.
Bafana Bafana Assistant Coaches Janevski Cedomir and Helman Mkhalele addressing the media on Monday, 7 June. Percy Tau and Teboho Mokoena have been withdrawn after testing positive of Covid-19 while Sipho Mbule is being monitored after coming into contact with infected person pic.twitter.com/5tm5LZgsvY
— Bafana Bafana (@BafanaBafana) June 7, 2021