Халанд предизвика земјотрес во Норвешка - буквално

Напаѓачот на Манчестер Сити постигна два гола во првото полувреме, додека Лео Остигард и автоголот по паузата го запечатија натпреварот. Убедливата победа ги искачи Норвежаните на врвот во Група И по гол-разлика пред светските шампиони Франција, кој го победи Сенегал со 3-1. Сеизмометар во норвешкиот град Берген регистрираше „јасни сигнали“ по головите на Халанд во 29. и 43. минута од натпреварот во Фоксборо.

„Сеизмолошкиот институт Берген пријави силни сигнали на блиската станица за време на натпреварот од Светското првенство помеѓу Норвешка и Ирак. Највисоките отстапувања се совпаднаа со головите на Ерлинг Браут Халанд, што предизвика радост кај норвешките навивачи. Овие сигнали најверојатно беа предизвикани од радоста на навивачите кои го гледаа натпреварот во Берген“, напиша НОРСАР.

Норвешка првпат учествува на Светско првенство по пауза од 28 години и има големи шанси да стигне до нокаут фазата.