Џеси Лингард направи уникатен трансфер

06 март 2026 - 17:21

Поранешниот фудбалер на Манчестер јунајтед, Џеси Лингард пронајде нов ангажман и ќе го носи дресот на бразилскиот Коринтијас.

Со овој клуб, Лингард стави потпис на договор до крајот на сезоната, а трансферот е уникатен затоа што станува првиот англиски фудбалер кој ќе игра во најсилната бразилска лига.

„Ги видов навивачите на аеродромот како скандираат ‘Напред, Коринтијанс!’. Има толку многу страст кај нив, прекрасно е тоа да се види. Соиграчите ме пречекаа со раширени раце, како и тренерот и директорот. Првите впечатоци се одлични, многу сум среќен и едвај чекам да заиграм“, порача Лингард.

Претходно Линард се поврзуваше и со клубови од МЛС лигата, но на крајот одлучи да продолжи во Сао Паоло.