Баерн најде ново засилување – братот на ѕвездата на ПСЖ!

05 мај 2026 - 20:48

Квича Кварацхелија е еден од најсериозните кандидати за „Златна топка“ на крајот од сезоната и игра во извонредна форма во Пари Сен Жермен, но наскоро во фудбалскиот свет би можел да блесне и уште еден Грузиец со истото презиме.

На еден ден пред реваншот од полуфиналето помеѓ Баерн и ПСЖ во медиумите се појави информација дека Баерн го следи братот на Квича, Торнике Кварацхелија кој има 16 години и настапува за првиот тим на Динамо Тблиси.

Наводно, младиот талент веќе бил во Минхен, каде што ги посетил тренинг-центарот и се запознал со раководството на Баерн, но договор сè уште не е постигнат, бидејќи интерес покажуваат и други клубови.

Главната пречка за Баерн е правилото според кое не може да го доведе до полнолетство, бидејќи не е државјанин на земја од Европската унија, а 18 години ќе наполни дури во 2028 година.

Сепак, во клубот постои незадоволство од ваквите правила, а Ули Хенес веќе реагирал со барање за нивна промена. Како алтернатива се спомнуваат и можни позајмици во други клубови.

Фото: tornikekvaratskhelia7/Instagram